Hëna e Re
hilal albania

Kalendar hënor bazuar vetëm në shikimin lokal

“Hëna e Re – hilal albania” është një iniciativë e pavarur që synon të ndërtojë një kalendar hixhri të lidhur drejtpërdrejt me shikimin e Hënës së re në Shqipëri dhe trevat përreth, deri aty sa lejon argumenti fetar.

Vendimet për fillimin dhe mbylljen e muajve merren nga një komision i brendshëm me më tepër se 15 vite përvojë në fushën e shikimit të Hilalit, duke u mbështetur vetëm në dëshmitë reale të shikimit lokal.

Bazuar në shikim real të Hënës (hilal) 🌙 Shqipëri, Kosovë dhe rajoni i afërt

Data aktuale hixhri

17 Xhumada el-Akhira 1447 H

09 Dhjetor 2025

Faza e Hënës

Faza e Hënës

Statusi i muajit: në pritje të konfirmimit të shikimit të Hënës.

Kalendarin e këtij muaji e mbajmë hapur deri në 29 ditë. Nëse Hëna nuk shihet në mbrëmjen e ditës së 29-të, muaji zgjatet në 30 ditë.

Kalendar mujor – Xhumada el-Akhira 1447 H

Kalendar i bazuar në shikimin lokal të Hënës në Shqipëri. Data referuese: 17 Xhumada el-Akhira 1447 H = 09 Dhjetor 2025.

Dita aktuale Ditët e tjera të muajit

Rreth nesh

“Hëna e Re – hilal albania” është një iniciativë e pavarur vullnetare që synon të ndërtojë një referencë të qartë dhe të besueshme për kalendarin hixhri në Shqipëri dhe trojet shqipfolëse përreth (Kosovë, Ulqin, rajonet kufitare të Greqisë dhe Maqedonisë së Veriut).

Qasja jonë mbështetet në parimin themelor të Sheriatit që muajt hënorë lidhen me shikimin real të Hënës së re (hilalit) në horizontin tonë lokal. Vendimet merren nga një komision i vogël, me më tepër se 15 vite përvojë në këtë fushë.

Ne përfaqësojmë vetëm veten tonë dhe askënd tjetër. Nuk flasim në emër të asnjë institucioni apo organizate; ajo që publikojmë këtu është thjesht rezultati i metodologjisë dhe shikimeve tona, për këdo që zgjedh ta ndjekë.

Qëllimet tona

  • Dokumentim i qartë i shikimit ose mos-shikimit të Hënës.
  • Krijim i një reference të qëndrueshme për kalendarin hixhri në hapësirën shqipfolëse, mbi bazën e shikimit lokal.
  • Nxitje e bashkëpunimit mes vëzhguesve dhe atyre që merren seriozisht me shikimin e Hilalit.
  • Edukim i publikut mbi natyrën e kalendarit hënor dhe faktin që datat mund të ndryshojnë nga viti në vit sipas shikimit real.

Ne nuk lidhemi me asnjë institucion. Çdo person mbetet i lirë të pranojë ose jo datat që publikojmë; përgjegjësia fetare është personale.

About (English)

“Hëna e Re – hilal albania” is an independent, volunteer initiative that documents the beginning and end of Hijri months based on local crescent sighting in Albania and nearby Albanian-speaking regions.

We follow only local sighting and do not apply the so-called “global sighting”, where one single report anywhere in the world would bind everyone else. Our calendar is an orienting tool for those who wish to follow this methodology.

Metodologjia jonë

1. Parimi bazë: Muajt hënorë fillojnë dhe mbarojnë me shikimin e Hilalit (Hënës së re) në horizont, ashtu siç është sqaruar në hadithet profetike: “Agjëroni me shikimin e saj dhe prisni me shikimin e saj...”.

2. Shikimi lokal: Referenca kryesore është shikimi i Hënës nga territori i Shqipërisë dhe trevat e afërta me horizont të ngjashëm. Ne i përmbahemi shikimit lokal dhe nuk ecim me atë që konsiderohet si “shikimi global”, ku një shikim diku në botë do të lidhej automatikisht me të gjithë.

3. Dëshmia dhe besueshmëria: Raportet e shikimit pranohen vetëm kur vijnë nga persona të besueshëm, të cilët japin informacion të qartë mbi vendin, kohën dhe kushtet e vëzhgimit.

4. Komisioni ynë: Vendimet për fillimin dhe mbylljen e muajve merren nga një komision i brendshëm me më shumë se 15 vite përvojë në praktikën e shikimit të Hilalit, i cili analizon raportet e terrenit dhe koherencën mes tyre.

5. 29 ose 30 ditë: Muaji hënor ka gjithmonë 29 ose 30 ditë. Ne e mbajmë kalendarin të hapur deri në ditën e 29-të; nëse Hëna shihet, muaji mbyllet me 29 ditë. Nëse Hëna nuk shihet, muaji zgjatet automatikisht në 30 ditë.

6. Kufijtë tanë: Ne përpiqemi të jemi sa më të qartë dhe transparentë në atë që bëjmë. Ky projekt shpreh vetëm metodologjinë dhe vendimet tona; çdo besimtar është i lirë të ndjekë atë që e sheh më të saktë për veten.

FAQ – Pyetje të shpeshta

Pse ky kalendar nuk bazohet në llogaritje të fiksuara? +
Sepse Sheriati e lidh fillimin e muajit me shikimin real të Hilalit, jo me tabela apo kalendarë të përgatitur shumë vite më parë. Ne nuk mbështetemi në kalendarë të përllogaritur, por në shikimin real të Hënës dhe raportet e vëzhguesve në horizontin tonë lokal.
Pse ndonjëherë datat tona ndryshojnë nga vendet arabe, Turqia apo vende të tjera? +
Sepse çdo vend ka horizont të ndryshëm, kushte të ndryshme moti dhe, mbi të gjitha, qasje të ndryshme metodologjike. Ne i përmbahemi shikimit lokal në hapësirën tonë dhe nuk e pranojmë konceptin e “shikimit global”, ku një shikim në një vend i vetëm do të ishte i detyrueshëm për gjithë botën.
Kush e vendos përfundimisht nëse muaji ka 29 apo 30 ditë? +
Brenda kësaj faqeje, vendimi merret nga komisioni ynë i brendshëm, me më shumë se 15 vite përvojë në shikimin e Hilalit. Ai analizon raportet e mbërritura nga terreni dhe pastaj përditëson kalendarin. Në jetën e përditshme, çdo besimtar mban vetë përgjegjësi për atë që zgjedh të ndjekë.
A është ky kalendar i detyrueshëm për myslimanët? +
Jo. Ky është një mjet orientues, i ndërtuar mbi parimin e shikimit lokal të Hënës dhe vendimet e komisionit tonë. Secili është i lirë ta pranojë ose jo, dhe përgjegjësia fetare është personale.
Kur përditësohet kalendari për muajin e ardhshëm? +
Informacionet paraprake mund të publikohen disa javë më herët vetëm si orientim. Vendimi përfundimtar për fillimin e çdo muaji vendoset mbrëmjen që pritet Hilali, pas verifikimit të shikimit ose mos-shikimit nga komisioni ynë.

Njoftime

Raporto shikimin e Hënës

Raportet e sakta nga terreni janë zemra e këtij projekti. Nëse ke bërë një vëzhgim të Hënës së re (hilalit) në qytetin tënd, mund të plotësosh formularin ngjitur për ta raportuar.

Të gjitha fushat janë të rëndësishme: vendndodhja, ora, kushtet e motit dhe nëse ke dëshmitarë të tjerë. Vetëm raportet e plota dhe të besueshme mund të merren në konsideratë nga komisioni, sidomos kur pretendohet se Hëna është parë.

Si të shikohet Hëna (udhëzues i shkurtër)

  • Dal në një vend me horizont të hapur nga perëndimi (perëndim ose veriperëndim), larg dritave të forta dhe ndërtesave që mbulojnë horizontin.
  • Dil pak para perëndimit të diellit dhe qëndro edhe disa minuta pas perëndimit duke vëzhguar të njëjtin drejtim.
  • Përqendrohu në një zonë të ngushtë të horizontit dhe mos lëviz vazhdimisht sytë lart-poshtë; presioni i panevojshëm i syrit mashtron.
  • Nëse Hëna mendohet se u pa, përpiqu ta përshkruash formën, pozicionin dhe sa gjatë qëndroi e dukshme, dhe nëse e panë edhe të tjerë me ty.
  • Raporto gjithmonë kushtet e motit (qiell i pastër, re, mjegull, erë) dhe nëse u përdor optikë apo vetëm sy i lirë.

Raportet e sakta ndihmojnë komisionin të kuptojë qartë situatën në terren dhe të marrë një vendim sa më të saktë për fillimin dhe mbylljen e muajve.

Shënim: Ky formular nuk dërgon ende të dhënat në një bazë të jashtme. Raportet mund të ruhen lokalisht dhe të ripërdoren kur të krijohet infrastruktura e plotë teknike.

Rezultati i vëzhgimit

Nëse fotografia e Hënës nuk po ngarkohet atëherë mund ta dërgoni në kanalin zyrtar në Telegram.

Qytetet e vrojtimit

Qëllimi është që shikimi i Hënës të mbulojë sa më mirë të gjithë hapësirën shqipfolëse. Lista më poshtë përfshin të gjitha qytetet e Shqipërisë dhe Kosovës, Ulqinin, si edhe qytetet kufitare nga Greqia dhe Maqedonia e Veriut ku mund të organizohen vëzhgime të rregullta të Hilalit.

Nëse mungon ndonjë qytet ose dëshironi të shtoni një pikë të re vrojtimi, mund të na shkruani në kontaktet më poshtë.

Kontakt

Për çdo pyetje, sugjerim ose bashkëpunim rreth shikimit të Hënës dhe kalendarit hixhri, mund të na kontaktoni në:

Ju lutemi shkruani qartë qytetin, datën dhe temën e pyetjes suaj (p.sh.: “Kalendar – Xhumada el-Akhira 1447” ose “Raportim shikimi”).

Kujdes metodologjik

Informacioni në këtë faqe ka karakter orientues dhe mbështetet në shikimin lokal të Hënës dhe vendimet e komisionit tonë. Ne flasim vetëm për llogaritjen tonë të datave; çdo person mbetet vetë përgjegjës për atë që zgjedh të ndjekë në adhurimet e tij.